Кујна автоприколка од 300 литри М95 А1, наменета е за готвење на јадења во војни и мирновременски услови, на маневри, вежби и кампувања. Може да работи во разни теренски и временски услови, во место и во движење. Користи цврсто гориво (дрво и јаглен). На кујната можат да се приготвуваат јадења со варење, динстање, пржење и печење. Опремена е со два казана дупликатора од по 100 литри, еден единечен казан од 100 литри, два сада за топла вода од по 30 литри, рерна и грејна плоча.
Кујната е изведена на една торзиона осовина која што е опремена со инерцијална кочница. Висината на влечната руда може да се подесува спрема висината на влечното возило. Во свoјот комплет има специјален шатор за заштита од метереолошките , услови, резервен алат и прибор, против пожарен апарат и техничко упатство за ракување и одржавање.

Шаторот е изработен од ипрегнирано, водонепропусливо
платно и од алуминиумска метална конструкција. Опремен е со
резервен алат и прибор, прибор за пакување и техничко
упатство за ракување и одржување.
 

КАЗАН ДУПЛИКАТОР
Казан дупликатор е херметички затворен сад изработен од челичен лим што не кородира. Има дупли зидови во чиј меѓупростор се наоѓа глицеринско масло, кое ја пренесува топлината од ложиштето на храната во садот и со тоа го спречува загорувањето на храната. На работ на казанот се наоѓа мерач за нивото на глицеринско масло. На капакот е вграден вентил за надпритисок, а напред се наоѓа притегач кој служи за фиксирање на капакот и осигурување од отворање при готвењето. Вентилот за надпритисок служи за регулирање на притисокот во казанот. Вентилот се отвора кога надпритисокот ќе се покачи над 0,05 бар.

ОБИЧЕН КАЗАН
Обичниот казан е сличен на казанот дупликатор само што нема дупли зидови и полнење со глицеринско масло. Исто така има и вентил за регулација на притисокот и механизам за регулација на положбата на капакот како што се кај казанот дупликатор.
 

САД ЗА ВОДА
Садовите за вода, ги има два на кујната автоприколка - 300 М95 А1, сместени лево и десно од оџакот. Изработени се од лим што не кородира и имаат волумен од 30 литри. По потреба може да се извадат од телото на кујната, имаат капак кој е херметички затворен на кој е вграден испарувачки вентил и механизам за затегање. Водата во садот се затоплува од издувните димови на оџакот.

ГРЕЈНА ПЛОЧА
Грејната плоча е сместена над рерната во ложиштето, на предната страна од телото на кујната. Изработена е од лим што не кородира со дебелина 3 мм. Служи за припрема на запршка или динстани јадења и се користи само кога кујната е во мирување.

РЕРНА
Рерната е сместена на предната лева страна на кујната над ложиштето. Околу рерната има димни канали кои со регулатори може да ја грејат грејната плоча или рерната. Рерната е изработена од лим што не кородира.

ОПРЕМА, АЛАТ, РЕЗЕРВНИ ДЕЛОВИ И ПРИБОР
Кујната автоприколка - 300 М95 А1 е опремена оо прибор за готвење и прибор потребен за припремање на јадење, како и алат и резервни делови за работа и одржување на кујната. За работа со кујната во непогодни временски услови кујната треба да е опремена и со шатор М-70, а за противпожарна заштмта има противпожарен апарат. Дел од опремата, алатот, резервните делови и приборот на кујната се сместени во самата кујна, а дел се носи во возилото што ја влече кујната.